Kalaallisut

bet365 Aningaasanoornermut Oqartussaasunit akuerisaallunilu malittarisassaqartinneqarpoq

Unnersuussutigaarput "Regler og Vilkår", piffissaq killilimmik atuuttuussuseq neqeroorut pillugu paasissutissat, neqeroorummik pineqartumik.

IBAS

Massakkut siusinnerusukkulluunniit aningaasanik nuussineq pillugu piumasaqassaguit apeqqutissaqaruilluunniit qinnuigissavatsigik attaveqarfigeqqulluta. Saqitsaassutigineqartoq bet365-imit aaqqiiffigineqarsinnaanngippat, akuerisinnaassagukkulu bet365-ip atuisoq isumaqatigiissitsiniartartumut Independent Betting Adjudication Service (IBAS)-imut innersuutissavaa, taasumalu aalajangiinera allanngortinneqarsinnaassanngilaq (kukkusoqavissimasoqartinnagu) aammalu susassaqartut tamarmik suliamik tamakkiisumik qaqilerinissaminnut periarfissinneqarsimatillugit.

IBAS pillugu paasisaqarnererusukkuit una tooruk.

Akisussaassuseqartumik aningaasanoorneq

Atuisutta akisussaassuseqartumik aningaasanoorsinnaanissaanut ikiuutaasinnaasunik assiginngitsunik neqerooruteqartarpugut, makku ilanngullugit:

Killileriikkanik akiliuteqartarneq
Nammineerluni matusartoq
Mianersorluni aningaasanuuginnarsinnaanissamut paasissutissat
Aningaasanoornermik ajornartorsiutaajunnartut pillugit apeqqutit
Internetti angajoqqaanit aqutaq

Ukiukittut aningaasanoortarnerat

Inatsisit malillugit inuit 18-inik ukioqalersimanngitsut aningaasanoorsinnaatitaanngillat, akisussaaffillu taana bet365-imit pimoorussamik nakkutigineqarpoq. Atuisutta ukiui qarasaasiakkut uppernarsaatissarsiortarpagut aammalu atuisutta 18-inik ukioqalereersimanerat pillugu immikkut uppernarsaatinik piumasaqartarsinnaalluta.18-nik ukioqalersimanngitsut quppersakkatsinnik atuisimasut tamarmik eqqukkaminnik arsaarneqarsinnaapput oqartussaasunullu suliassanngortinneqarlutik.

Sulisut sungiusarneqartarnerat

Atuisutsinnik sullissisut tamarmik aningaasanoornermik ajornartorsiutilinnik sullissinissamik sungiusarneqartarput.

Killileriikkanik akiliuteqarneq

Atortorissaarut una atorlugu kontonnut akiliutigisavit annertussusissaa killilersinnaavat, 24 tiiminngorlugit, ullut 7-inngorlugit ullulluunniit 30-nngorlugit. Aningaasat annertussusaat qaqugukkulluunniit appartinneqarsinnaapput, qaffatsinneqassatillugilli saaffiginninnermit 24 tiimit qaangiunneranni aatsaat qaffanneqartarlutik. Atuisunik sullissivitta paasissutissanik tuneqqissinnaavaatit, taakkuli aningaasanik killilersimasannik allanngortitsisinnaanissamut periarfissaqanngillat.

Akiliutigisimasavit killissai allanngortissinnaavatit uunga iserlutit Tjenester, Min Konto aamma isereeruit Min konto aamma Personlige detaljer toorlugit.

Atuisut paasissutissarsisinnaanerat

Ajornanngitsumik pisariitsumillu aningaasat nuutat, pissarsiatit akiliutigisimasatillu takusinnaavatit. Illit saldo-t qaqugukkulluunniit takusinnaavat Tjenester, Min konto Bank aamma Vis saldo ataanni. Bet365-ip quppersagaanni isersimaguit saldo-t aamma takusinnaavat qulaanni saamiata tungaaniittoq toorlugu.

Nammineerluni matusartoq (Self Exclusion)

Atuisut namminneerlutik kontominnik/kontominnik arlalinnik ullumi ataatsimi, qaammammi ataatsimi, qaammatini arfinilinni, ukiumi ataatsimi, ukiuni marlunni, ukiuni tallimani immaqaluunniit qaqugumulluunniit atorsinnaajunnaarlugu imminnut mattussisinnaanissaminnut bet365-imit periarfissinneqarput.

Taamatut periarfissaq piffissalersimasami atorneqaruni sunaluunniit patsisilersuutigigaluaraanni konto-p ammaqqissinnaanissaa periarfissaarutissaaq, nammineerluni matuneqarnissaanik piffissaliussap naanissaata tungaanut.

Nammineerluni matoqqatitsinerup naalaanni atuisut kontonik nutaanik ammaaqqissinnaanerat bet365-imit sapinngisaq tamaat atorlugu pinngitsoortinniarneqassaaq.

Konto nalinginnaasumik matuneqarsimaguni atuisut namminneerlutik qaqugukkulluunniit ammaqqissinnaavaat.

Nammineerluni matusigallarnissamik periarfissaq taannaluunniit pillugu paasisaqarnererusukkuit attavigisinnaavatsigut, tamatuma kingorna sullissivitsinni sulisutta ilaata nuannaarluni ikiussavaatit.

Inussiarnersumik malugiuk nammineq mattukkallarsinnaanissamik akiliutigisimasallu killilersinnaanerinut bet365-ip periarfissiissutaasa saniasigut aningaasanoortartut Danmarkimi aningaasanoortarnernut mattukkallarneqarnissamik mattutivinneqarnissamilluunniit periarfissinneqarsinnaammata uunga nalunaarsortinnermikkut; Spillemyndighedens Register Over Frivilligt Udelukkede Spillere (ROFUS). Linki una tooruk annertunerusumik paasisassarsiorlutit.

Naakkutiginninnerup attatiinnarnissaa pillugu paasissutissat

Aningaasanoortartut amerlanersaat aningaasatigut nammassinnaasatik sipporlugit aningaasanoorneq ajoraluartut aningaasanoorneq inuit ilaannut ajornartorsiutaalersinnaavoq. Tamanna ajornerpaaguni aningaasanoorsinnaajunnaarnermik kinguneqarsinnaavoq, aningaasat, suliffik, ilaquttat ikinngutillu eqqarsaatigalugit ajornartorsiutinik pilersitsisinnaalluni. Imminut aqussinnaaginnarnissat qulakkeerniarlugu imaasiorsinnaavutit:

1. Aningaasanoorneq aliikkutatut isigisariaqarpoq aningaasarsiorfissatuunngitsoq
2. Annaasatit malersoqinagit (aningaasat annaasat utertinniarlugit suli aningaasanik amerlanerusunik atuineq)
3. Aningaasat annaasinnaasorisatit kisiisa atorlugit aningaasanoortarit
4. Aningaasat piffissarlu aningaasanoornernut atortakkatit nakkutigikkit
5. Aningaasanoortarneq unitsikkallarusukkukku atortorissaarut nammineerluni matusisartoq atorsinnaavat
6. Aningaasanoornermik ajornartorsiutitit oqaloqatigiissutigerusukkukkit qaqugukkulluunniit Center for Ludomani saaffigisinnaavat

Center for Ludomani

Aningaasanoornermik nappaatillit aningaasanoortartullu allat ilaqutaasullu Center for Ludomani-mi ikiorneqarlutillu siunnersorneqarsinnaapput. Center for Ludomani attavigineqarsinnaavoq oqarasuaatikkut 70 11 18 10 quppersagaalluunniit aqqutigalugu http://ludomani.dk.

Apeqqutit aningaasanoornermilluuniit ajornartorsiuteqarneq

Aningaasanoornerup inuuninnik (allalluunniit) tiguaasimanera isumakuluutigigukku, tamanna paaseqqissaarniarlugu apeqqutit uku ikiortigisinnaavatit:

1. Aningaasanoorniaanarlutit, angerlarsimaannartarpit, suliartunngitsoortarpit, atuarianngitsoortarpilluunniit?
2. Inuuneq qasunartoq alianartorluunniit qimarratiginiarlugulusooq aningaasanoortarpit?
3. Aningaasanoorsimatillutit aningaasaataarullutit ugguartarpit paatsiveerusimaartarlutillu, sapinngisamillu piaarnerpaamik aningaasanooqqikkusullutit?
4. Ilaatigooriarlutit aningaasaataarutivinnissat tikillugu aningaasanoortarpit?
5. Piffissaq aningaasallu aningaasanoornermut atorsimasatit pillugit sallunikuuit?
6. Aningaasanoortarnerit allat uparuarsimavaat isornartorsiorluguluunniit?
7. Ilaqutatit, ikinngutitit sunngiffinnilu sammisartakkatit soqutigiunnaarsimavigit?
8. Aningaasanik annaasaqarsimatillutit misigisarpit aningasat sapinngisamik piaarnermik utertinniarsarissallugit?
9. Oqqannerit, neriuutaarunnerit pakatsinerillu aningaasanoorusulersitsisarpat?
10. Aningaasanoortarnerit pissutigalugu nikallungarujussualersarpit inuunerilluunniit kiperusulersarlugu?

Apeqqutit amerlanerujartortut aapimik akisimagukkit, aningaasanoornermik nappaateqarnerit ilimanaateqarnerusimassaaq. Tamanna pillugu oqaloqateqarusukkuit qaqugukkulluunnit Center for Ludomani oqarasuaat 70 11 18 10 imalunniit quppersagaq http://ludomani.dk. aqqutigalugu saaffigisinnaavat.

Internet-i angajoqqaanit aqutaq

Angajoqqaat angajoqqaarsialluunniit qarasaasiamik atuineq nakkutiginiarlugu killilerniarluguluunniit programmit pingajuusumit aqutat assigiinngitsut pingasuupput:

1. Net Nanny filtreringssoftware internettimi tulluanngitsunik meeqqanut illersuut: www.netnanny.com.

2. CYBERsitter filtreringssoftware atorlugu angajoqqaat quppernerit namminneq toqqakkatik matusinnaavaat: www.cybersitter.com.