bet365 aningaasanoornermut oqartussanit akuerisaallunilu malitassaqartinneqarpoq (Spillemyndigheden).
Innersuutigaarput Naammassisassat Piumassallu ullormi atuutilerfimmeersut takussagitit.
Naammagittaalliuuteqarusukkuit qinnuigissavatsigit attavigeqqulluta. Inaarutaasumik inerniliinerput isumaqatiginngikkukku innersuutigissavarput naammagittaalliuutit uunga ingerlateqqeqqullugu eCommerce and Online Gaming Regulation and Assurance (eCOGRA).
eCOGRA pillugu annertunerusumik paasisaqarusukkuit qinnuigissavatsigit nittartagaat alakkalaaqqullugu.
Akisussaassuseqartumik aningaasanoorneq
Atuisutta akisussaassuseqartumik aningaasanoorsinnaanissaannut ikiuutaasinnaasunik assigiinngitsunik neqerooruteqarpugut.
-
Killileriikkanik akiliuteqarneq.
-
Imminut mattunneq.
-
Akisussaassuseqartumik aningaasanoortarnermut paasissutissat.
-
Aningaasanoornermi ajornartorsiuteqarnerup paasinissaanut apeqqutit iluaqutaasinnaasut.
-
Paasissutissat ukiukittunik illersuinissamut tunngasut.
Ukiukittut aningaasanoortarnerat
Inatsisit malillugit inuit 18-inik ukioqalersimanngitsut aningaasanoorsinnaatitaanngillat, akisussaaffillu taanna bet365-imit pimoorussamik nakkutigineqarpoq. Atuisutta ukiui qarasaasiakkut uppernarsaatissarsiortarpagut aammalu atuisutta 18-inik ukioqalereersimanerat pillugu immikkut uppernarsaatinik piumasaqartarsinnaalluta. 18-inik ukioqalersimanngitsut quppersakkatsinnik atuisimasut tamarmik eqqukkaminnik arsaarneqarsinnaapput oqartussaasunullu suliassanngortinneqarlutik.
Sulisut sungiusarneqartarnerat
Atuisutsinnik sullissisut tamarmik aningaasanoornermik ajornartorsiutilinnik sullissinissamik sungiusarneqartarput.
Killileriikkanik akiliuteqarneq
Atortorissaarut una atorlugu kontonnut akiliutigisavit annertussusissaa killilersinnaavat, 24 tiiminngorlugit, ullut 7-inngorlugit ullulluunniit 30-nngorlugit. Aningaasat annertussusaat qaqugukkulluunniit appartinneqarsinnaapput, qaffatsinneqassatillugilli saaffiginninnermit 24 tiimit qaangiunneranni aatsaat qaffanneqartarlutik. Atuisunik sullissivitta paasissutissanik tuneqqissinnaavaatit, taakkuli aningaasanik killilersimasannik allanngortitsisinnaanissamut periarfissaqanngillat.
Akiliutigisimasavit killissai allanngortissinnaavatit uunga iserlutit Tjenester, Min Konto aamma isereeruit Min konto aamma Personlige detaljer toorlugit.
Atuisutut kontovit imai
Atuisutut kontonni aningaasat amerlassusai quppernerup qulaani aningaasat nalingi toqqarsimasatit malillugit takusinnaavatit.
Imminut mattunneq
Misigisimaguit aningaasanoorpallaalerlutit imaluunniit aningaasanoorajuppallaalerlutit, eqqarsaatigilaassavat imminut mattunnerup atornissaa, periarfissaapput bet365 aqqutigalugu aningaasanoornissamut imminut mattunneq piffissami ulluni 30-ini, qaammatini 6-ini, ukiumi 1-imi, ukiuni 2-nni, ukiuni 5-ini mattutivinnikkulluunniit.
Piffissap aningaasanoorsinnanermut imminut mattunnerup nalaani atuisutut kontot aningaasanoorfigisinnaassanngilat, atuisutulli kontot iserfigisinnaallugulu aningaasat atuisutut kontovit iluaniittut nammineq kontornut nuussinnaanissaannut periarfissaqassaatit.
Atuisutut kontot sumilluunniit peqquteqartumik ammaqqissinnaassanngilat, bet365-illu allanik atuisutut kontonik nutaanik ammaaniarnerit sapinngisani tamaat naapertorlugu paasiniarsaralugillu matusassavai.
Tamanna pillugu atuisunut sullissivimmi suleqatigiit ikiortisiginiarlugit paasissutissanillu annertunerusunik pissarsiffiginiarlugit attavigisinnaavatit.
bet365-imit imminut mattunnissaq qinissagukku innersuussutigissavarput ilanngullugu Spillemyndighedens Register Over Frivilligt Udelukkede Spillere (ROFUS) aqqutigalugu Qallunaat Nunaanni internetsikkut aningaasanoortarnerpit killilersorneqarnissaa qinissagit.
Akisussaassuseqartumik aningaasanoortarnermut paasissutissat
Aningaasanoortartut amerlanersaat aningaasatigut nammassinnaasatik sipporlugit aningaasanoorneq ajoraluartut aningaasanoorneq inuit ilaannut ajornartorsiutaalersinnaavoq.
Aningaasanoortarneq ajornartorsiorfiusoq aningaasanoorneruvoq ilaquttariinnermut, inummut namminermut sunngiffimmilu sammisanut akornutaalersitsisinnaasoq, avissaartuutsitsilersinnaasoq akornusiisinnaasorluunniit. Ajornartorsiutaakkajuttarpoq aningaasanoorajuttup aningaasat atorsinnaasani sipporlugit atuinera piffissamilluunniit aningaasanoornermut annertuumik atuinera. Ajornerpaagunilu aningaasanoornissamik pinngitsuuisinnaajunnaarsinnaalluni; aningaasatigut ajornartorsiulernermik kinguneqartitsisumik suliffimmi, ilaquttat ikinngutillu aamma kalluarneqarsinnaallutik.
Aningaasanoorajunnermut ersiutit maluginiagassat
-
Aningaasat atorsinnaasat sipporlugit piffissarlu annertooq aningaasanoornermi atorneqarpat.
-
Aningaasanoornerit aqukkuminaatsikkukku imaluunniit unitsikkuminaatsikkukku
-
Aningaasanoorpallaarneq oqaasertalersorneqarpat ilaquttanit ikinngutilluunniit
-
Soqutigisanik nalinginnaasunik soqutigisaarunneq, soorlu ikinngutit ilaquttalluunniit peqatiginissaannut piffissaarukkaanni
-
Aningaasanoornissaq eqqarsaatigiinnavikkukku oqaluuserisarlugulu
-
Aningaasanoortarnerit pillugu unneqqaserluttaruit inunnulluunniit allanut isertuukkukku
-
Aningaasanoornermi aningaasat annaasatit utertinniarsarisarukkit imaluunniit aningaasatigut ajornartorsiutigilerukku
-
Aningaasaataarunnissavit tungaanut aningaasanoortaruit
-
Aningaasanik atorniartaruit, pigisannik tuniniaasaruit imaluunniit aningaasanoortarnerit pillugu akiligassatit akilinngitsoortarukkit
-
Aningaasat annertusiartuinnartut atorlugit aningaasanoortaruit imaluunniit piffissaq annertooq atorlugu aningaasanoornikkut pissanganartorsiorniartaruit
-
Sulinngitsoortaruit, atuanngitsoortaruit, ilaquttat inuttullu nammineq illoqativilluunniit pisariaqartitai kingullinnguuttarukkit aningaasanoornissat pingaarnerutillugu
-
Pissanganartorsiorlutit, annilaangallutit, pisuusutut misigisimaguit, isumatsassimaarlutit isumalullutilluunniit
Aningaasanoornermi ajornartorsiuteqarnerup paasinissaanut apeqqutit iluaqutaasinnaasut
Nammineerlutit imminut ikiorsinnaavutit paasiniarniarlugu aningaasanoorajuttuunermik ajornartorsiuteqarnerlutit.
-
Aningaasat annertuut aningaasanoorlutit atorsimatillugit imminut nuanniilliortillutit pisuutittarpit?
-
Imminut pissanganartorsiortinniarlutit aningaasanik annertuunik aningaasanooruteqartarpit?
-
Aningaasanik annaasaqarsimatillutit aningaasanoornerit unitsikkuminaatsittarpiuk?
-
Ilinnut illoqatinnulluunniit angaasanoortarnerit aningaasatigut ajornartorsiortitsisarpa?
-
Inooqatigisannut, suliffinnut ilinniarninnulluunniit aningaasanoortarnerit nuanniitsumik kinguneqartarpa?
-
Aningaasanoortarnerit peqqiilliortitsisarpa, isumatsassimaartitsilluni iluaalliortitsilluniluunniit?
-
Aningaasanuunngileraangavit eqqissiviilliulersarpit?
-
Misigisimasarpit aningaasanoornermik ajornartorsiuteqarlutit?
Aningaasanoorajuttunut ludomaneeqartunut Centeri sullissivik
Qallunaat Nunaanni Centeri aningaasanoorajuttunut ludomaneeqartunut sullissivik aaqqissuussaavoq oqarasuaatikkut tatiginartumik sullissisinnaasoq aammalu siunnersuisinnaasoq kikkunnulluunniit aningaasanoorajuttunngornermik aqqusaagaqartunjt. Aningaasanoorajuttunut ludomaneeqartunut Centeri sullissivik oqarasuaat aqqutigalugu saaffigineqarsinnaavoq 70111810 atorlugu imaluunniit nittartagaq aqqutigalugu http://ludomani.dk.
Ukiukitsunik Illersuineq
Nittartakkat iserfigineqarsinnaajunnaarlugit mattunneqarsinnaapput blokeererlugit Software programmeqarlunilu assigiinngitsunik angajoqqaanit atulersinneqarsinnaasunik, angajoqqaat meeqqamik qarasaasiamik atuinerannut killilersuinerminnut atorsinnaasaannik.
-
Net Nanny filtreringssoftware internettimi tulluanngitsunik imalinnik meeqqanut illersuut.
-
CYBERsitter filtreringssoftware atorlugu angajoqqaat quppernerit namminneq toqqakkatik matusinnaavaat.